KWALIK ’n maand ná Enoch Godongwana, minister van finansies, ondubbelsinnig Transnet se versoek om ’n R100 miljard-reddingsboei van die hand gewys het, moes die tesourie noodgedwonge ’n skuldwaarborg van R47 miljard toestaan.
Dié waarborg is sodat Transnet dringend onder meer sy skuldverpligtinge kan nakom.
“Dit is dalk ’n nodige pleister, maar ons moet steeds die oorsprong van die probleme aanpak,” sê Theo Boshoff, uitvoerende hoof van die landbousakekamer Agbiz, oor dié stap. “Ons is bewus van probleme wat die hawens in die gesig staar om onderdele te verkry om stukkende toerusting reg te maak en op te knap. Hopelik sal die kredietwaarborg van die tesourie Transnet in staat stel om dié onderdele op kort termyn te verkry.
“Op lang termyn is dit egter deurslaggewend dat die sistemiese
