DIE sukkelende plaaslike primêre suikerbedryf het die afgelope paar maande ’n onverwagse hupstoot gekry danksy beter produksie en gebeure in die wêreldmark. Teen einde September (toe die nuutste pryse voor druktyd beskikbaar was) was die prys aan kwekers (RV-prys) R7 443/t – R2 008/t of nagenoeg 36% meer as Desember 2022.
Die tafel vir baie van dié verbeteringe is in 2022 gedek. Bedryfsleiers hoop daar kan vanjaar voortgebou word op dié gunstige ontwikkelinge.
“As dit nie vir dié prysstyging was nie, dink ek baie van ons sou sonder uitkoms gewees het. Veral die meer marginale kwekers, ouens op laer-potensiaal of sanderige grond, sou beslis bankrot gespeel het,” sê Bradley O’Neill, suikerrietkweker
