By die pasafgelope SA Bakkie van die Jaarkompetisie onder direkteurskap van Dirk Gallowitz en Ferdi de Vos moes bakkies hulle staal wys met sleep, veldry én dinamiese bestuur. Dit is die eerste keer dat sleep by so ’n kompetisie ingesluit word.
Ry & Sleep is genooi om deel te wees van die paneel wat die sleep- en 4x4-afdeling beoordeel, en dit is deur onderskeidelik Leon Botha en Cyril Klopper behartig. Uiteindelik was daar drie kategoriewenners en ’n algehele wenner.
Leon is eerste aan die woord met die sleepafdeling, waarna Cyril se indrukke van die veldry op bl. 88 volg.
Wie kon deelneem?
Sake is uitgespook tussen luukse outomatiese 4x4-dubbelkajuitbakkies. Vervaardigers moes egter inskryf, en dit was net Mahindra, Peugeot, GWM, Mitsubishi, Nissan, Isuzu en Volkswagen (met twee modelle) wat by die wegspring opgedaag het.
Ongelukkig het Ford, Toyota, Mazda en JAC nie deelgeneem nie. (Wat Leon in hierdie stadium nie geweet het nie, is dat Toyota inderdaad ’n Hilux gestuur het, maar dié het eers die volgende dag opgedaag toe Cyril die bakkies onder hande geneem het om hulle veldryvermoëns te beoordeel. – Red.)
Die spesifieke modelle was Mahindra se Karoo 4x4 Storm, die Peugeot Landtrek Africa Edition, GWM P-Series LTD, Mitsubishi Triton Xtreme, Nissan Navara Pro4X, Isuzu D-Max V-cross, VW Amarok 2.0 BiTurbo en die V6-Amarok PanAmericana.
Al die ouens het by die Klipbokkop-bergreservaat buite Villiersdorp byeengekom. Die eienaar, Gerhard Groenewald, was die toetsdirekteur.
Hoe werk die sleepkompetisie?
Die agt bakkies was in drie groepe opgedeel volgens kraglewering: Die Mahindra (103 kW), Peugeot (110 kW) en GWM (120 kW) was in die 100-125 kW-groep. In die 126-150 kW-groep was die Mitsubishi (133 kW), Nissan (140 kW) en Isuzu (140kW), terwyl die twee Volkswagens in die 151-190 kW-groep geval het met onderskeidelik 154 kW en 184 kW.
Die eerste groep het ’n Mobi Lodge XL-woonwa met ’n gewig