In die Junie- en Nov/Des 2022-uitgawe van SA JAGTER/HUNTER het ek in “Bospos” vertel van ons vroue-jag wat in 2020 begin en ’n jaarlikse tradisie geword het. Vanjaar het ons weer so gemaak. Die vrouejagnaweek het van 22 tot 25 Junie plaasgevind en ons bestemming was weer Kobus Barnard se plaas St. Marc buite Zastron in die Vrystaat. Maande se voorbereiding, geskenkpakkies opmaak en finansiële be-planning het gelei tot ’n onvergeetlike naweek propvol jagavonture, lekker lag, nuwe vriendskappe, kameraadskap en opwindende oomblikke wat die dames ’n bietjie uit hul gemaksones gehaal het. Hulle het uit verskillende streke na Zastron gereis, gereed om saam te jag. Die groep sluit nou al vriendinne van heinde en verre in. Susters en vriendinne kom van Kaapstad, Middelburg in die Oos-Kaap en De Aar vir die geleentheid.
Vanjaar was ons nege vroue van wie vyf nog nooit voorheen saam met ons gejag nie. Ek vra elke jaar my man, Poon Pieterse, om met die jagnaweek te help. Ons jag gewoonlik met my wapen, ’n Tikka T3 in 6.5 Creedmoor, omdat ek gewoonlik die enigste vrou met ’n
