INSPIRASIE
Stop net ’n tafeltennisraket in Jade Sasman se hand en sy wys jou woerts-warts waarom sy onlangs as die beste vrouespeier in Afrika gekroon is. Dié Kapenaar se toewyding, deursettingsvermoë en positiewe ingesteldheid is pure inspirasie. Dié 25-jarige ma van twee van Bonteheuwel is ook ’n inspirasie vir vroue wat gedink het ná kinders is daar nie meer tyd óf plek vir drome droom en doelwitte bereik nie.
Jade het onlangs in Botswana aan die Africa Region 5 Table Tennis Championship deelgeneem. Kort daarna het sy en haar dogter, Azrah (6), en seun, AbdulQaadir (4), afgesit na Bloubergstrand in die Kaap vir ’n welverdiende ruskans. Sy verwerk nog haar sege in Botswana. Dit voel nog als so onwerklik, vertel sy.
Die kompetisie