Michael Barwise (foto links), eienaar van Pretoria Caravans & Outdoor, een van die bekendste en grootste woonwahandelaars in die Jakarandastad, is op 27 Junie 2023 oorlede.
Michael het hom in 2018 aangesluit toe sy eie onderneming, Caravan Fitment Centre, die bedrywighede van die werkswinkel oorgeneem het. Hy het in 2021 ’n vennoot in Pretoria Caravans geword en in April vanjaar die leisels oorgeneem. Michael se vrou, Sukie, en die egpaar se oudste seun, Michael-John, is ook werksaam by Pretoria Caravans. Sukie sê Michael het daarna gestreef om die grootste handelaar in die land te word – en dis ’n visie waarop hulle sal voortbou. “Michael het ’n baie sterk en kundige span agtergelaat vir die pad vorentoe,” sê sy.
Die onderneming is in 1968 as Caravan Mecca & Outdoor Living gestig