HY HET ’n wit renjaerspak aan, en sy welige hare is kunstig gestileer. En wanneer ’n glimlag op sy gesig verskyn, herken ’n mens daai skitterwit tande en lagplooitjies onmiddellik: Dis Brad Pitt, steeds sjarmant, smeulend en so aantreklik hy laat jou wéér kyk.
’n Mens kan skaars glo dié akteur, wat dekades gelede harte vinniger laat klop het toe hy in Thelma & Louise sy hemp afgepluk het, word binnekort 60.
Hy is vandag in sy resiespak geklee om tonele vir sy nuwe rolprent te skiet. Die Britse Grand Prix hier by Silverstone in Engeland word as fliekstel ingespan, en tonele word gedurende die ren verfilm.
Eenkant staan die F1-kampioen Max Verstappen. Hy is min beïndruk dat dié ernstige sportgeleentheid deur rolprentsterre oorval word. Maar dit is veilig om te sê Max is in die minderheid. Die meeste mense is mal oor
