WAT is die eerste beeld wat voor jou geestesoog opduik as jy die naam Brad Pitt hoor? Waarskynlik ’n welgeskape kêrel met ’n ewig jeugdige glimlag, vonkelende oë en ’n gebeitelde lyf. Pure heilsaamheid.
Wat waarskynlik nie by jou opkom nie, is die prentjie van ’n geweldenaar, dronk buite sy verstand, wat sy vrou en kinders soos ’n gedierte terroriseer, hulle aanrand, vloek en met drank bestook.
En tog is dit die beeld wat Angelina (47) in nuwe hofstukke van hom skets. Hy het haar en haar kinders gewurg, geslaan, verskree, en vieslike dinge genoem, sê sy.
Sy het lank genoeg stilgebly, voel die akteur se eksvrou duidelik. Die waarheid moet nou uit.
Brad (58) se aanhangers sal tereg teleurgesteld wees. Die laaste ruk het dit regtig gelyk asof die stof rondom Brangelina se egskeiding