ʼn Mens kan waarskynlik met sekerheid sê dat die meeste groentetuiniers op die een of ander wyse metgeselaanplanting beoefen. Dit kan so eenvoudig wees as om basiliekruid en tamaties saam te plant, kappertjies as valgewas vir plantluise te gebruik of ʼn rand van afrikaners te plant om insekte af te weer.
Het jy egter geweet dat jy metgeselaanplanting na nog ʼn vlak kan voer? Dit word polikultuur genoem wat beteken om ʼn mengsel van gewasse op een plek te plant. Dis ʼn eeueoue praktyk wat teruggevoer kan word na vóór monokultuur (enkelverbouing) wat met die koms van grootskaalse gemeganiseerde landbou ingevoer is.
Al die grondbeginsels van metgeselaanplanting is op polikultuur van toepassing, soos
