Manie
Terwyl die woede oor ’n nuwe vlaag plaasmoorde opkook, bou die onmin tussen landbou-organisasies ook op. Dít juis in ’n tyd dat dit al hoe noodsaakliker is om saam teen die euwel te staan.
Manie wil nie kant kies nie, maar ’n onlangse twiet, klaarblyklik deur Jaco Kleynhans van Solidariteit, dat Agri SA nie die Suid-Afrikaanse boer se vriend is nie en dat boere eerder by die netwerkorganisasie Saai moet aansluit, is petrol op die vuur. Dit help niks om strydende partye nader aan mekaar te bring nie.