Goeie nuus vir produsente is dat die pryse van kunsmis en ander landbouchemikalieë begin afneem het van die uitermatige hoë vlakke van verlede jaar. Wandile Sihlobo, hoofekonoom van die landbousakekamer Agbiz, sê op ’n jaargrondslag was die pryse van ammoniak, ureum, di-ammoniumfosfaat (DAP) en kaliumchloried in Februarie in randwaarde onderskeidelik 6%, 36%, 28% en 14% laer.
