SY WAS nie op soek na liefde toe sy hom op ’n huis-partytjie ontmoet het nie, maar die snaakse, plat-opdie-aarde ou met die breë glimlag was ’n vars briesie vir haar gebroke hart.
Al tel van Hollywood se groot name onder Jim Toth se kliënte, was hy g’n glansmens nie. Reese Witherspoon se hart was nog stukkend ná haar egskeiding van die akteur Ryan Phillippe, maar sy het voor Jim se sjarme geswig.
“Hy was ’n standvastige, betroubare ou,” het sy destyds gesê. Dit was presies wat sy ná haar onstuimige huwelik nodig ge-had het. Maar nou is dit alles verby.
Net twee dae voor hul 12de huweliksherdenking het Reese en Jim aangekondig hulle gaan skei en “aanbeweeg met liefde, goedheid en
