Dragtige Boran-vers behaal R650 000
Die totale aanbod bont Borans is op die Sale of the Bonts by die Fire & Wine-arena,) van Yolandie Botha se Iminathi Ranch, Waterberg, is vir die hoogste prys van R650 000 aan Simeon en Jarred Hurwitz van Davel verkoop. Altesaam 18 telers het puik teelmateriaal beskikbaar gestel. Die duurste bul is deur Gerrit Potgieter van Ooskus Borans, Komga, geteel en vir R550 000 aan Paul de Wet van Kestell verkoop. Gerrit het ook die duurste koei met kalf vir R550 000 aan Ridwaan Moola van Heilbron verkoop. Dit was ook die eerste Boran-veiling waarop geslagsbepaalde embrio’s te koop was. Embrio’s het gemiddeld R7 000 behaal. Potgieter het ook die duurste embrio van Stompie Olivier van Hotspot Cattle, Ventersdorp, vir R13 000 gekoop. Bulle het gemiddeld R330 000 behaal, dragtige koeie gemiddeld R130 000, dragtige verse gemiddeld R190 714 en semenstrooitjies gemiddeld R8 250. Johan van der Nest was die afslaer. SHM en Meerkat het die veiling aangebied.
