Toe die eerste reën ná ’n droogte van vyf jaar oor die Klein-Karoo val, was dit asof ’n gordyn oopgetrek is. In Mei 2020 het die inwoners van Ladismith opnuut moed gekry nadat hulle in die wurggreep van “een van die ergste droogtes in menseheugenis” sedert 2016 was.
Ná verskeie biddae vir reën het daardie eerste druppels in die daaropvolgende weke net meer en gereelder geword.
Nou, twee jaar later, is die damme amper weer vol. Boere beraam planne om hul boerderye in ’n rigting van herstel te stuur en om die groot verliese op ander maniere in te haal. Dié streek het die afgelope seisoen tot 346 mm reën gekry, saam met heelwat water vanaf die berg, sê mnr. Ben Kotzé, eienaar van die plaas Sunnyside en bestuurder van Longacre, ’n vrugtedroëry op Ladismith. “Ons kan weer asem haal.”
Klein-Karooboere worstel nou egter met
