Kortliks:
Waar: Bryanston, Gauteng
Grootte: 8 000 m²
Klimaat: Hoëveld, maar in die winter beskut deur groot bome
Styl: Halfformeel met ʼn formele roostuin
Tuinargitek: Karen Gardelli
Uitgestrekte wye uitsigte en golwende randakkers is strelend vir die oog …
Alle tuine het hul eie unieke energie wat ʼn mens gewoonlik aanvoel sodra jy by hulle ingaan. Sommige is vol helder kleure wat jou opgewonde maak terwyl ander soberder en introspektief is. Dié Bryanston-tuin is ʼn hawe van rus en vrede. Sodra jy by die hek ingaan, ervaar jy ʼn gevoel van kalmte. Die tuin se transformasie het begin toe beroemde ontwerper Joan Young tuinargitek Karen Gardelli aan die eienaars (Lindy en Roy) voorgestel het. Die twee jaar lange opknapping van die huis was amper klaar. Begryplikerwys was daar met al die bouwerk aan die gang bitter
