Laat ons nie doekies omdraai nie: Ons almal besoek wildplase se Facebook-bladsye en selfs webtuistes voor ons besluit om die eerste keer daar te gaan jag. Die meeste van ons doen dit, of dit nou is om meer oor die pryse, wildverskeidenheid en geriewe uit te vind of bloot net om op ’n kaart te probeer sien waar presies die plek lê. Talle jagters het al ’n stel afgetrap met hul aankoms op ’n plaas, net om te besef dat die prentjie wat op die Facebook- of webblad, of selfs tydens ’n oproep na die eienaar of professionele jagter geskilder is, nie strook met wat jy daar aantref nie.
MEGA SPRINGBOK – DIE WARE JAKOB
In 2021 het ek die geleentheid gehad om saam met vriende by Mega Springbok by De Aar in die Noord-Kaap te gaan jag. Dinge het ongelukkig so uitgewerk dat ek nie die jagtog kon bywoon nie. Ek volg hulle al baie lank op Facebook waar ek die foto’s van al hul mooi trofeediere gesien het. Soos ek altyd sê: “Dit vat ’n handjievol mense om ’n ding vir almal
