BOUDE NA DIE DOOD
IN DIE video wat sy self geneem het, lê sy op haar maag en hou haar selfoon selfiestyl vas. Haar volgelinge in die sosiale media moet kan sien presies wat oor haar skouer gebeur. Hulle moet sien hoe haar boude in ’n kunswerk à la Kim Kardashian omskep word.
Maar wat Karissa Rajpaul nie met haar volgelinge deel nie, is dat die prosedure aan haar agterstewe nie in ’n steriele chirurgiese teatersaal gebeur nie. Dit gebeur in iemand se huis.
Karissa, oorspronklik van Durban, het in 2016 na Los Angeles verhuis. Daar het sy die droom nagestreef van baie hedendaagse vroue wat met ’n mooi voorkoms geseën is. Sy wou ’n sosialemedia-beïnvloeder word wat nie net
