‘VERTRAGINGSTAKTIEK’ OOR MIELIEREGULASIES LAAT BOERE ARMER
DIE geskil rondom nuwe graderingsregulasies vir mielies en die toepassing daarvan het teen druktyd voortgeduur, maar dit sal waarskynlik geen verandering vir mielieboere in die huidige bemarkingsjaar bring nie.
’n Dringende vergadering tussen alle belangegroepe – boere, graanhanteerders, handelaars, meulenaars en veevoervervaardigers – is vir die week van 23 Mei beoog waar die kwessies ter sprake “fyngemaal” sou word.
Graan SA sê in ’n skrywe aan sy lede die voorgestelde graderingsveranderingeafgekondig moet word vir kommentaar, wat etlike maande kan duur.
