Groot marakkas
Toe JJ (Zak Hendrikz) so ’n week gelede by Pottie’s opgedaag en vir sy ma, Magda (Elzabé Zietsman), reguit gesê het hy is terug om sy gebou terug te kry, het dit moeilikheid gespel. En toe Pottie (Christo Compion) boonop dieselfde dag spoorloos verdwyn, het almal besef daar’s ’n slang in die gras. “JJ het vir sy ma gesê indien sy Pottie wil terughê, moet sy die kontrak onderteken wat die gebou aan hom terugbesorg,” sê Zak.
