GETROUD – NÁ 17 JAAR
DIT was ’n lang, lang wag – maar dit was die wag werd.
Toe die model Tracy McGregor onlangs op ’n sonnige somerdag in die Boland met Marc Buhrer trou, was dit ’n nuwe hoofstuk vir hul liefdesverhaal wat al 17 jaar gelede begin het.
Die kapel op die prentjiemooi Belair Pavilion-landgoed buite die Paarl is omring deur berge en wingerde – die volmaakte agtergrond vir die glanspaartjie se troudag.
En toe Tracy (39) aan die bopunt van die paadjie verskyn, lyk sy beeldskoon.
Haar blonde lokke golf sag oor haar skouers, met die skouerlose rok van wit kant wat haar modellyf beklemtoon, en die liedjie wat Ross Learmonth van die musiekgroep Prime Circle op dié oomblik sing, kan nie meer gepas wees nie: “Pretty Like the Sun”.
Die bruid loop aan
