’N HUWELIK IN ROWWE WATERS?
HULLE is een van die plaaslike sportwêreld se glanspaartjies – die lenige voormalige Protea-netbalspeler met die borrelende lag, en die gevierde oudafrigter van die Springbokke se voorspelers.
Maar nou is daar gerugte dat hartseer dalk agter die televisieaanbieder Vanes-Mari du Toit se breë glimlag skuil; dat haar en haar man, Matt Proudfoot, se huweliksbootjie in stormwaters vaar.
’n Uitdagende liefdespad is niks nuuts vir dié twee nie. Hulle het ’n groot deel van hul vyf jaar lange verhouding ver van mekaar af deurgebring – soms so ver dat hulle nie eens in dieselfde tydsone was nie.
“Dis die moderne lewe,” het Vanes-Mari vroeg verlede jaar nog aan Huisgenoot gesê.
“Baie verstaan dit nie,
