MTB gee effense stabiliteit
Staatskuld sal volgens projeksies teen 2025 stabiliseer by sowat 80% van die bruto binnelandse produk (BBP), mits die ANC-regering dit regkry om salarisse in die staatsdiens te stabiliseer.
Staatsuitgawes is steeds heelwat bo die belastinginkomste. Tesame daarmee ontvang bykans 27 miljoen mense vanjaar staatstoelaes, wat die staatskas sowat R250 miljard gaan kos.
Die landbou trek regstreeks voordeel daaruit omdat minstens die helfte van die toelaes aan voedsel en drank bestee word. Natuurlik is dit ’n tydbom, maar die keersy is dat armoede en maatskaplike onrus sal toeneem as daar nie so ’n vangnet is nie.
Die besluit oor ’n hersiene basiese inkomstetoelae sal eers in die Februarie 2022-begroting bekend gemaak
