Covid-19 dryf vrae oor vlakke van mededinging op spits
Oplossings moet enersyds gevind word vir die kosteknyptang waarin boere hulle bevind, en andersyds ook vir die dilemma van armer huishoudings wat nou goedkoper kos met ’n laer voedingswaarde koop.
Só sê mnr. James Hodge, hoofekonoom by die Mededingingskommissie. Hy skryf die penarie van armer huishoudings aan die werks- en inkomsteverliese te midde van covid-19 toe. Verder meen hy té hoë vlakke van konsentrasie onder die verskaffers van produksiemiddele, asook wat die verwerking van landbouprodukte betref, vererger die kosteknyptang wat boere om verskeie redes ervaar.
Hodge sê die kommissie het tydens vlak 5 van die covid-19-inperking klagtes van melkboere gekry dat kopers hul leweringskontakte eensydig en tot hul nadeel verander het. Nadat die kommissie dié magsmisbruik aangepak het, het die melkverwerkers hul besluit omgekeer.
MEDEDINGINGSKOMMISSIE SE VERSLAG
In ’n onlangse verslag oor die prysmonitering van noodsaaklike voedselsoorte het die kommissie homself ten gunste van ’n groeiende, minder gekonsentreerde en inklusiewe landbou-ekonomie uitgespreek. Daarná het die buro vir voedsel- en landboubeleid (BFAP) in ’n dokument gesê dit is net so gevaarlik om te argumenteer daar is té veel konsentrasie in die landbou as om te beweer
