Vleisbeesbedryf kan R8,3 miljard méér verdien
Die Suid-Afrikaanse vleisbedryf se toekoms lyk rooskleurig, luidens die jongste verslag van die buro vir voedsel- en landboubeleid (BFAP), wat gestig is om ingeligte vooruitskouings van verskillende landboubedrywe te maak en noukeurige politieke en sakebesluite moontlik te maak.
BFAP het saam met die nasionale landboubemarkingsraad en die sentrum vir mededinging, regulering en ekonomiese ontwikkeling na die lewendehawebedryf se waardeketting gekyk.
Dié sektor se bydrae tot die bruto waarde van landbouproduksie beloop byna 50%. Die ontsluiting en versnelling van inklusiewe groei sal ’n goed gekoördineerde strategie verg, met ingryping in dieregesondheid, mededingendheid en marktoegang.
VOORDELE VAN BETER MARKTOEGANG
’n Doeltreffende stelsel vir dieregesondheid en identifikasie is belangrik. Breër, gunstiger marktoegang sal mededingendheid verbeter, ’n toename in produktiwiteit steun en boere in die informele sektor help om hul bydrae tot die totale produksie te laat groei.
Die beesbedryf se bydrae van 12% is die naasgrootste tot die landboumandjie. Sy bruto nasionale produk het die afgelope dekade met gemiddeld 10%
