Dis weer daardie tyd van die jaar… Dit begin sommer aan die einde van Maart wanneer die dae begin koeler word en jy smiddae van die werk af kom en oplet dat die eerste bome se blare besig is om te verkleur. Daardie tyd van die jaar duur gewoonlik die hele April totdat die jagseisoen in die meeste van die provinsies uiteindelik oopmaak. Dis ’n tyd waarin die groot verlang na jou gunstelingjagplek jou sommer skielik oorval. Dit kan helder oordag op kantoor gebeur wanneer jy in jou etensuur vinnig deur ’n jagtydskrif blaai en by die jaggeleenthede vir die jaar vashaak, of lank ná middernag wanneer jy nie kan slaap nie en wakker lê oor daardie 60”-koedoebul wat jou nog altyd bly ontwyk, of tydens Sondagmiddag se braai ná kerk as jy daardie laaste sakkie Alldays-hout aan die brand steek en windaf oorval word deur daardie unieke, onmiskenbare reuk van ’n hardekool-bosveldvuur.
DIE GEWEERKLUIS
Dis dan wanneer jy na die
