Zuma-proklamasies ontbloot gróót gekonkel

BEDROG - en korrupsie-ondersoeke wat verband hou met grondoordragte na en van die staat word reeds jare lank deur die spesiale ondersoekeenheid (SOE) ondersoek. Dié ondersoeke spruit uit ses proklamasies oor grondhervorming en landelike ontwikkeling wat oudpres. Jacob Zuma sedert 2009 uitgereik het. Dit het die SOE die mandaat gegee om bewerings van ongerymdhede te ondersoek by onder meer die koop van sekere plase, die identifisering en aanstelling van die strategiese vennote en begunstigdes van die plase.

Daar was ook bewerings van wanaanwending van geld vir herkapitalisering en onbehoorlike optrede deur amptenare van die destydse departement van landelike ontwikkeling en grondhervorming.