Ruimteverkenning

HET JY GEWEET?

Die Kármánlyn word as die grens tussen die aarde se atmosfeer en die ruimte beskou. Dit is ’n denkbeeldige grens 100 km bo seevlak.

DIE verkenning van die ruimte het ’n moontlikheid geword nadat Duitsland in die Tweede Wêreldoorlog ballistiese missiele ontwikkel het. Ná die oorlog het Amerika en die Sowjetunie (Rusland) hul eie missielprogramme van stapel gestuur en dit het gou in ’n ruimtewedloop tussen dié twee magtige lande ontwikkel. Ná die ruimtewedloop het ’n tydperk van samewerking in die ruimte gevolg, soos versinnebeeld deur die Internasionale Ruimtestasie. Lees hier hoe dit alles gebeur het.

TWEEDE WÊRELDOORLOG (1939-1945)

In die Tweede Wêreldoorlog het Duitsland ballistiese missiele ontwikkel om Brittanje mee aan te val. vol plofstof wat oor ’n lang afstand kon vlieg en waarvan die baan in die vorm van ’n hoë boog was. het die ontwerp wat in 1944 die eerste mensgemaakte voorwerp in die ruimte geword het toe dit verder as 100 km van die aarde af beweeg het. Von Braun het ná die oorlog vir die Amerikaanse National Aeronautics and Space Administration (Nasa) gewerk, waar hy die vuurpyle help bou het wat die mens na die maan sou neem.