YSBERE AGTER TRALIES
NES jy dink die wêreld kan nie vreemder word nie, duik iets op wat jou effens van stryk bring.
Soos die Ysbeerhotel, ’n plek waar ’n paar bedreigde bere op permanente uitstalling is vir hotelgaste wie se kamers oor hul klein afskortinkie uitkyk.
Die hotel van R200 miljoen in die ysige noordelike Heilongjiang-provinsie van China was volbespreek toe dit in Maart sy deure oopmaak – en dit het woede by natuurbewaarders en diereliefhebbers ontlok.
Die bere woon onder helder, warm ligte in ’n klein ruimte met twee klein poele, kunsmatige sneeu en vloere wat wit geverf is om soos lae ys te lyk.
In die natuur kan ysbere, die wêreld se
