VEILINGS

MOORREESBURG / HEREFORD / R480 000

’n Suid-Afrikaanse rekordprys van R480 000 vir ’n Herefordbul is op die 35ste Swartlandse veeboereveiling op die plaas Bossiesvlei, Moorreesburg, behaal. Die veiling se omset was R3 048 000. Mnr. Lodewyk Fourie van Schweizer-Reneke het die bul Babilon (WDW17083, ) van mnr. Philip de Waal se Locheim-stoetery (Willem de Waal-boerdery) gekoop. De Waal het aan gesê die bul het uitsonderlike diepte, ’n donker haarkleed, goeie pigment, kort skede, bruin testes en uitsonderlike breedte. “Babilon dra baie vleis en het baie goeie balans. Hy het sterk bene en kootgewrigte met goeie kloudiepte, asook baie goeie spierdefinisie. Hy beweeg ongelooflik gemaklik. Babilon se stamboom is indrukwekkend en sy moeder is een van die beste teelkoeie in die Locheim-stoetery. Hy is die ” Die hoogste gemiddelde pryse was soos volg: R85 750 vir Herefordbulle, R44 800 vir swart Angusbulle, R43 428 vir Simmentalerbulle en R31 250 vir Herefordkoeie met kalwers. GWK het die veiling aangebied en die afslaer was mnr. Theuns Visser.