DIÉ WEEK IN DIE LANDBOU
DIE GROOTSTE BEURSIES
ie afgelope twee weke se rekordveilingspryse wys duidelik die groot vraag na goeie teeltmateriaal. Op die 22ste produksieveiling van mnr. Lukas Burger van die plaas Rietfontein in die distrik Griekwastad is R375 000 vir dié Boerbokram, Klein Booster, betaal. By hom is van links mnr. Deon Klopper (afslaer), me. Riekie de Witt en mnr. Lukas Burger, die verkopers. Lees meer by. In dieselfde week het twee bulle op die Santa Select-veiling op die plaas Joubertsrus by Sannieshof in Noordwes die R200 000-merk behaal, uit 35 manlike en 40 vroulike diere van 10 telers. Die Herefordbul WDW 17-83 van Locheim Herefords van mnr. Philip de Waal by Moorreesburg is op die Swartland Veeboere-veiling vir ’n rekordprys van R480 000 verkoop, en die Simmentaler Vooruitzicht Rudolf JH1636 van mnr. Jan van Biljon van Vergeleë is op die 3 van die Bestes Simmentalerveiling op Coligny vir R420 000 verkoop.
