Geld stroop rugby van sy siel
Die afgelope weke se dikwels onverkwiklike berigte oor eise van spelers en spelers wat hul unies wil en gaan verlaat, het opnuut die harde werklikheid van beroepsport na vore gebring.
In beroepsrugby kyk die speler na sy eie finansiële toekoms. Lojaliteit aan die unie waar hy grootgeword het, het jare gelede verdwyn toe ’n geharde Noord-Transvaler soos Uli Schmidt Loftus Versfeld, en die Westelike Provinsie se Du Plessis-broers Carel en Michael Nuweland vir Ellispark verruil het.
