Halwe waarhede en bogstories
DIT lyk asof die opportunisme oor die Covid-19-pandemie net nie wil end kry nie. Manie moes behoorlik twee keer kyk toe hy in Volksblad lees van ’n omgewingsgroep wat sowaar prokureursbriewe aan die ministers van landbou, gesondheid en samewerkende regering gestuur het om te versoek dat die slag en eet van wild beëindig moet word in die lig van die pandemie.
Gewoonlik steur Manie hom nie aan sulke bog nie, maar dit is uiters laakbaar dat enigiemand ’n wêreldwye pandemie wat reeds byna 180 000 lewens geëis het, sou gebruik om sy eie ideologiese standpunte te bevorder. En dan gebruik die groep boonop halwe waarhede
