All Blacks voor Rubicon
’n Moeilike besluit oor hul oorsese kiesbeleid wag binnekort op die All Blacks as hulle hul trotse rekord teen Suid-Afrika en ander lande wil volhou, sê die voormalige Bok-breier Heyneke Meyer.
Weens die oorsese uittog van hul topspelers bevind die nuwe All Black-hoofafrigter, Ian Foster, hom ten opsigte van die Kiwi’s se huidige kiesbeleid feitlik in ’n soortgelyke posisie as Rassie Erasmus toe hy in 2018 as Bok-afrigter oorgeneem het.
Een van Erasmus se belangrikste besluite om die Bokke se wisselvalligheid in 2016 en 2017 teen te werk, was om dadelik ontslae te raak van SA Rugby se oorsese kiesbeleid (wat net spelers met meer
