KORONAPANDEMIE: Boere kry bystand uit onverwagte oorde
Hy is nie bang vir die koronavirus nie, hy is bang vir hongersnood, sê mnr. Solomon Komane, ’n taxi-eienaar van Brits in Noordwes. Daarom het hy ingestem om mnr. Dawie Rothmann van die Rothmann-boerdery vroeg die volgende oggend te gaan sien toe dié hom een aand gebel het om te hoor of hy met vervoer gedurende die inperking kan help.
Soos talle boere het die Rothmanns nog altyd hul werkers soggens met ’n vragmotor by die nabygeleë nedersetting, Bethanie, net buite Brits gaan oplaai en saans weer weggebring. Toe pres. Cyril Ramaphosa die staat van inperking aangekondig het, moes hulle dus skarrel om planne te beraam.
Dit het gou geblyk dat die polisie nie te vinde is vir boere se planne om minder werkers op ’n slag met bakkies of vragmotors aan te ry plase toe nie.
Boere by Hoedspruit kan getuig hoe
