KOEBAAI, MY LIEFSTE TENNIS

LANK was sy die glansryke prikkelpop van vrouetennis: statig, formidabel, kil en gedrewe, met ’n skril steungeluid wat desibelrekords op die baan laat spat het.

Maar nou het Maria Sharapova (32) haar lang loopbaan beëindig. En sy het gekies om dit op die glansryke webtuistes van Vogue en Vanity Fair aan te kondig deur ’n liefdesbrief neer te pen aan ’n sport wat haar bekendheid en berugtheid – en ’n aardige fortuin – besorg het.

“Hoe laat jy die enigste lewe agter wat jy ooit geken het?” begin sy.

“Hoe stap jy weg van die bane waarop jy geoefen het sedert jy ’n jong meisie was, die sport wat jy