Dutchmandoring

Die Proteas se Proper Dutchman beskik oor meer as net spoed en leeuemoed. Anrich Nortjé is ook in oorvloed geseën met Job se geduld.

Dit het gestalte gekry in sy kolfbeurte as naguiltjie in die toetse teen Engeland in Centurion en Port Elizabeth, toe hy die een bal ná die ander met rus gelaat het. Dit was heel gepas. As Nortjé ’n ongeduldige man was, sou hy waarskynlik nooit vir die Proteas gespeel het nie.

“My pad is baie anders as dié van sekere ander jonger ouens wat net ná skool by die franchise- en Protea-opset inkom. Ek is bly oor hoe dit met my gebeur het,” sê die 26-jarige Nortjé Dinsdag, ’n dag nadat hy die reeks teen Engeland as die voorste paaltjievraat