Masjienleer en belegging – versigtiges skryf nie goeie gedigte nie

masjienleer (ML) is die grys area waar rekenaarwetenskap en statistiek byeenkom. Is dit ’n nuwe realiteit vir beleggers of eenvoudig oordrewe reklame wat in ’n nuwe “KI-winter” gaan verdwyn?

My ou praktiese reël om substansie van bemarking te skei, was eenvoudig: indien dit hoofsaaklik in Python geskryf is, het dit moontlik substansie. As dit hoofsaaklik in PowerPoint geskryf is, is dit waarskynlik “kunsmatige intelligensie”, dit wil sê, ’n bemarkingsfoefie.

Nadat ektoegegee het dat dit nie ’n robuuste benadering is nie en nadat ek tyd bestee het om my self opnuut op te voed (deur skouer aan die wiel te sit en die modelle van meet af aan te bou), het ek stadig ontwikkel van ’n volslae sinikus tot ’n skeptiese entoesias. Ek moet benadruk dat daar geen plaasvervanger is virtyd bestee en moeite doen om die besonderhede te leer nie (RobertTibshirani se Elements of Statistical Learning met eerste publikasie in 2001, is ’n goeie vertrekpunt).