Sonkrag wen ver teen Eskom

Verlede Oktober het ’n pa en seun wat naby Petrus Steyn, in die Noordoos-Vrystaat boer, Eskom vaarwel toegeroep en 100% oorgegaan na sonkrag. Mnre. Petri en Casper Müller se huishoudings werk albei ten volle van sonkrag af. Petri sê werk in die pakhuise asook hul dompelpompe gaan normaal aan soos voorheen.

“Ons sien waarheen Eskom op pad is. Ons is al hoe minder seker of daar môre krag gaan wees en dit terwyl tariewe met ’n spoed opgaan. Op saaiplase, soos hier by ons, is ’n mens baie afhanklik van krag. Ons gebruik ook taamlik baie krag. Dus raak die onsekerheid met Eskom en die duur tariewe ons boerdery baie en