DIE LEICA EN KESTRELKOMBINASIE
Langafstandskiet is deesdae ’n tydverdryf wat selfs vir die grootste (aanvanklike) teenstanders daarvan baie genot verskaf en ook baie bydra tot beter skietkennis en -vaardigheid. Hierdie skietdissipline is moeilik en verg gedissiplineerde oefening, behoorlike kennis van jou toerusting en ’n fyn aanvoeling vir omgewingstoestande. Dan kry jy koeël en teiken bymekaar gebring.
’n Goeie geweer, behoorlik getoetste lading, ’n koeël met hoë BC en ’n top-teleskoop help baie, maar die regte data met betrekking tot die korrekte afstand en al die atmosferiese kondisies aanwesig, bepaal die verskil tussen sukses of ’n misskoot. Langafstandskuts maak intensief gebruik van afstandmeters en “weerstasies” (klein draagbare instrumente) om die nodige inligting vinnig en akkuraat te bekom sodat hulle hul teleskope vinnig kan verstel om treffers te skiet.
Ian Hardie van TudorTech, die plaaslike agent vir Leica, en Kestrel, het ’n Leica-afstandmeter en Kestrel-weerstasie beskikbaar gestel wat ek kon toets. Beide is nuwe produkte met unieke funksies. In Julie 2019 het ek dus Leica se CFR com-afstandmeter en die Kestrel 5700 ELITE W/LINK-draagbare weerstasie getoets tydens ons jaarlikse langafstandjag naby Kakamas. Ek gaan eers die twee produkte afsonderlik bespreek en daarna die werking tussen dié twee en die ballistiese toe-passing op jou slimfoon.
You’re reading a preview, subscribe to read more.
Start your free 30 days