讀鄭順聰先生新冊《台味飄撇》了後，對生活中 ê 在地小食加一份注心，看色水、鼻芳頭、哺滋味，西後街 ê 金澤滷肉飯重新裝潢成格(tshiânn-keh)過，變較光，mā 較曠闊，店內 ê 音樂對Eagles ê 〈Hotel California〉到古典樂〈愛 ê 禮讚〉、對演歌到流行樂，風格多變，連Spotify都綴 buē 著。 這項紅糟豬頭皮敢若進前無食過，一上桌規盤紅絳絳，切了誠薄，無像 tsìn 濟有紅糟名 suah 無紅糟芳 ê 小食，豬頭皮猶未入喙，就鼻著特殊 ê 紅糟清芳，搵醬鹹中帶甜拄拄好，頭家無拍死賣鹽--ê，mā 毋是臺南出身 ê 人家，佇支持「無豬頭皮 ê 店不准講有賣小菜」ê 我心目中，排有前三。 招牌豬血粿佇我意料之外，芫荽(iân-suinn)合理、油膏合理……肉酥內底摻赤砂敢有合理？！無想到食落喙有驚喜，豬血粿 ê 燒軟綿、芫荽 ê 清涼氣、肉酥 ê 鹹油芳、猶有赤砂 kha̍unnh kha̍unnh ê 甜滋味，搵油膏像點心，koh 較成欲註解豐沛 ê 暗頓，食了滿意 koh buē 礙胃。 -- Music丨望春風鋼琴版 -- 跟我聊聊： Instagram︱亞特聊聊天 (https://www.instagram.com/atlantis919/) Facebook︱亞特聊聊天 (https://www.facebook.com/atlantis.podcast.talk) -- 小額贊助支持本節目： https://pay.firstory.me/user/atlantis-talk 留言告訴我你對這一集的想法：https://open.firstory.me/story/ckv0axejr12s10998d5uk0c1z?m=comment Powered by Firstory Hosting