Літургія часу: вершы

By Алесь Дуброўскі

У паэтычным зборніку Алеся Дуброўскага-Сарочанкава біблейская сімволіка робіцца мовай для гаворкі пра сучаснасць, а адным з галоўных матываў у тэматычнай прасторы кнігі становіцца час.

In this poetry collection, biblical symbolism becomes the language for a conversation about our days, and time takes the central stage of the drama unfoldin

• Language: Беларуская мова
• Publisher: Skaryna Press
• Release date: Mar 25, 2024
• ISBN: 9781915601094

Book preview

Берагі акіяна

I

Не я тлумачу тэкст, а ён мяне,

як акіян тлумачыць кантыненты.

Яны з яго паўсталі, як фрагменты

таго сюжэта, што ляжыць на дне.

А ёсць сюжэты, што не маюць дна.

І Слова ёсць, што берагоў не мае.

І кніга ёсць… Старонка там адна…

Імя ёй – ты. І Бог цябе чытае.

3 лістапада 2022

II

…Я не самотны, я кнігу маю…

Максім Багдановіч

На гэтай голай, як лёд, планеце,

што так імкліва ляціць кудысьці,

я не самотны, я маю вецер,

я не ў цямніцы – я маю выйсце.

Ля сіняй бухты ў тым акіяне,

што паглынае думкі і рухі,

я не самотны… Слухайце: я не

буду заломваць у роспачы рукі.

Я маю вецер, я маю вецце,

памяць карэння, голасу лісце.

Дрэва насенне – голай планеце.

Полымю – смецце. Я маю выйсце.

7 лістапада 2022

III

А зямля была нябачная і пустая

і цемра над безданню,

і Дух Божы лунаў над вадою.

Быццё 1:2

Стихи растут, как звезды и как розы,

Как красота – ненужная в семье.

А на венцы и на апофеозы –

Один ответ: – Откуда мне сие?

Марына Цвятаева

Над акіянамі пустой планеты

сумуе Дух Святы.

Калі гучыць акорд, адкуль мне гэта?

Ад страху нематы.

Ад страху пустаты – жыцця, паперы,

вачэй… Адвечны страх!

З бяссэнсіцы ўстае свяшчэнны бераг –

зямля для дрэў і траў.

Няўтульна ў пустаце: ні ўстаць, ні сесці –

бяссэнсіца пакут.

І Дух стварае час сабе і месца

і кажа: «Добра тут».

Так паўстае ўся прыгажосць Сусвету

з пакуты пустаты,

бо пустаты пакут, як і планеты,

не любіць Дух Святы.

І паўстае з няўтульных водаў