Road movie
()
About this ebook
Related to Road movie
Related ebooks
Itoko dira berriak Rating: 0 out of 5 stars0 ratingsGarapen iraunkorra: Garatzeko bizi ala bizitzeko garatu Rating: 0 out of 5 stars0 ratingsEro hiria Rating: 0 out of 5 stars0 ratingsSusmaezinak Rating: 0 out of 5 stars0 ratingsHiri zuriaren isiltasuna Rating: 0 out of 5 stars0 ratingsGoiko kale Rating: 0 out of 5 stars0 ratingsPaper-festa: Minimalia Rating: 0 out of 5 stars0 ratingsHauts bihurtu zineten Rating: 0 out of 5 stars0 ratingsKapuscinskiren erretrobisorea Rating: 0 out of 5 stars0 ratingsAzukre xehea, gatz larria Rating: 3 out of 5 stars3/5Lehorreko koadernoa Rating: 0 out of 5 stars0 ratingsBitan esan beharra Rating: 0 out of 5 stars0 ratingsEnigma bi, erantzun bat Rating: 0 out of 5 stars0 ratingsHiltzen nauzu goxoki Rating: 0 out of 5 stars0 ratingsOkuri confidencial Rating: 0 out of 5 stars0 ratingsTelefono kaiolatua Rating: 0 out of 5 stars0 ratingsMendiko behatokia Rating: 0 out of 5 stars0 ratingsDesertuan behatxuloa Rating: 0 out of 5 stars0 ratingsEtxepare porno: Zibernetika euskalduntzeko metodoa Rating: 0 out of 5 stars0 ratingsEskarmentuaren paperak Rating: 0 out of 5 stars0 ratingsGertakarien urtzea Rating: 0 out of 5 stars0 ratingsAltzeta Rating: 0 out of 5 stars0 ratingsKartografia Rating: 0 out of 5 stars0 ratingsKalezulo Rating: 0 out of 5 stars0 ratingsEtxea Rating: 0 out of 5 stars0 ratingsAtakak Rating: 0 out of 5 stars0 ratingsJulien Vinsonen hegaldia Rating: 0 out of 5 stars0 ratingsVendetta eta beste ipuin batzuk Rating: 0 out of 5 stars0 ratingsJoan zaretenean Rating: 0 out of 5 stars0 ratingsEuskaldun guztion aberria Rating: 0 out of 5 stars0 ratings
Reviews for Road movie
0 ratings0 reviews
Book preview
Road movie - Gotzon Hermosilla
Zerk bultzatzen du bidaiaria etxeko epeltasuna utzi eta toki ezezagunetara abiatzera? Bidaiari bakoitzak bere arrazoiak ditu, noski, nik neureak nituen bezalaxe. Baina arrazoi guztiak bi multzotan sailka daitezke, ene aburuz. Partitzen garenean zerbaiten bila joaten gara edo, bestela, zerbait ahaztu nahian, zerbaitengandik ihesi.
Estatu Batuetara joan, han auto bat alokatu eta milaka filmetan ikusiaren ikusiz gure herrikoak balira bezala ezagutzen ditugun errepide eta autobide galduak zeharkatzea proposatu zidaten. Thelma eta Louisena bezalako esperientzia bat bizitzea, road movie baten protagonistak izatea, gure Easy Rider edo Paris-Texas propioa eraikitzea. Hasierako asmoa Ipar Ameriketako mendebaldean barrena norabide finkorik gabe ibiltzea zen. Zuzenean Kaliforniara eramango gintuen hegazkinik ezin topatu, ordea, eta beste irtenbide bat bilatu behar izan genuen: hegazkinez New York-era joan, han egun batzuk eman lagun baten etxean, eta geroago San Frantziskorako beste hegazkin bat hartzea. Bigarren aukera hau lehenengoa baino kilikagarriagoa zen niretzat: autoz egin beharreko ibilaldia apur bat atzeratu behar bagenuen ere, New York ezagutzeko parada ematen zidan horrek.
Baiezkoa eman nuenean banekien zeren bila nindoan, zer topatu nahi nuen paraje urrun haietan, zein zen hartara bultzatzen ninduen indar ezkutua, gainerako taldekideek zituzten zioez guztiz bestelakoa, ziur aski.
Ameriketako toki urrun haiek guztiak inoiz bisitatu gabea izanagatik ere, apur bat nireak ere bazirela begitantzen zitzaidan. New York, Kalifornia, San Frantzisko, Los Angeles… oroitzapen asko, bizipen ugari iradokitzen zizkidaten izenak ziren, ordura arte Atlantikoa fisikoki zeharkatzeko aukera inoiz ez eduki arren. Nire belaunaldiko asko eta asko bezala, Patti Smith, Velvet Underground edo Johnny Thunders entzuten hezi naiz. Nire nerabezaroan orduak eta orduak egin ditut New Yorketik zetozen doinuak entzuten. Estatu Batuetako estoldetan filmaturiko hainbat pelikula betirako geratu ziren nire erretinetan itsatsirik hain hunkierrazak garen aro hartan ikusi eta gero. Kerouack, Bukowski, Thompson… oroitzapen bikainak dakarzkidaten izenak dira.
70eko hamarkadako New Yorkeko punk musika mugarria izan zen gure bizitzan, baina baita Kaliforniako hardcorea ere. 80ko hamarkadaren hasieran, gazte mukizu batzuk punkaren herentzia hartu eta azken muturrera eramaten saiatu ziren, kantuen abiadura eta letren gordintasuna areagotuz. Germs, Black Flag, Dead Kennedys… Gerora mundu osora hedatuko zen (eta Euskal Herrian hain garrantzi handikoa izango zen) mugimenduak han izan zituen bere hastapenak. Leku haiek ezagutzeko aukerak ere izugarri erakartzen ninduen.
Beraz, Estatu Batuetara joateko nire burua prestatzen hasi nintzenean, nire asmoa ez zen ezezagunaren bila joatea. Edo ez hori soilik: edozein bidaiatan, aurreikus ezin daitekeena, abentura eta ezustekoa nahitaezko osagaiak dira. Baina nik oso ongi ezagutzen nuen zerbaiten bila nindoan. Nire izaeraren, nire bizipenen, nire oroitzapenik kutunenen bila nindoan Ameriketako lurralde urrun haietara.
Zerbait saihesteko asmoz, zerbait ahaztu guran ere abiatu nintzen Ameriketara, jakina. Baina hori beste istorio bat da.
Gaueko hamaikak inguru ziren bus geltokira ailegatu nintzenean. Geltokiko kafetegian telebistari so eman nuen gauerdi arteko denbora, piercing moda berria zertan datzan azaltzen zuen saio aspergarri bat ikusten. Nire gogoa, baina, pantailan agertzen ziren gorputz zulatuetatik oso urrun