Pelo e ja serati
By JM Ntsime
3/5
()
About this ebook
Pelo e ja serati – A loving heart knows no bounds. A drama in Setswana.
Read more from Jm Ntsime
Lerato ke eng? Rating: 0 out of 5 stars0 ratingsNtlotlele Tsa Maloba Rating: 5 out of 5 stars5/5
Related to Pelo e ja serati
Reviews for Pelo e ja serati
4 ratings0 reviews
Book preview
Pelo e ja serati - JM Ntsime
Tema 1
[Go motshegare o monaana. Dithole o tsamaya kwa nokeng. O tsarnaya le noka e e nang le mokgatsha o o talafetseng. Pelo ya gagwe e rotha madi. O bua a le esi.]
DITHOLE: Fa nkabo ke na le rnaatla a bommampipi,
Nkabo ke itsalanya le marubisi,
Ke itsalanya Ie dinonyane tsa bosigo;
Gore di tle di nkadime diphuka,
Di nkadime le matlho a bosigo,
Ke tle ke kgone go rwala masigo
Ke rototse matlho a ntse ditoto.
Ke fofa jaaka dinong tsa loapi,
Ka diphuka di tla nkuka
Di nkuka di ntebisa kwa go Nombini.
Nnaare ke buela eng ka marubisi?
Ka marubisi e le dinonyane tsa baloi
Nonyane tsa bopeloethata le bosetlhogo?
Mme kana lerato ke tsala e kgolo ya mmampipi,
Ke raya e le fa le ntoile pelo,
Le nkgwetse mathe ganong ka tshereana
La nthatisa ngwana wa motswakwa,
La nkupa maikutlo ka upalala,
Ka tshwana le noga e kgolo ya tlhware
E meditse namane e tons ya phudufudu.
Kana le nna ke meditse kweletla ya selo
Ke meditse lerato, ke meditse pelo ya motswakwa.
Nnaare ke buela eng ka mmampipi!
Mmarapipi e le selo se se se nang lerato
A ke bue ka nonyane e tshwaana lephoi
Ka boswaana bo sweufatsa pelo;
E nne boswaana jwa rnašwi a lobese;
O bone e tlala lerato la nnete.
Nkabo ke na le cliphuka tsa lephoi,
Nkabo ke fofela Tebeleng;
Ke ya go latlhela bofofu teng
Ke tie ke jese madho bontle,
Bontle jwa ngwana wa trunala wa sebilo.
[Go tsena Baahipile a tswa mo sekgweng se se kitlanyeng. Tsebe ya gagwe e kapile se se neng se buiwa ke Dithole, feta a sa itse gore o re eng.]
BATŠHIPILE: Dumela molekane!
Ntlhang sefatlhego sa gago se setlhefetse,
O ka re sa motho phefo ya mariga e mo gamotse.
Sefatihego sa gago se bobududu jwa loapi,
Matiho a sona a latlhegetswe ke kganya,
Le go tswela kwa ntle a tlhabiwa ke kgala.
A bona fa go le botoka go gonyela,
A golomela ka dikgapa tennyanateng,
A bega fa mowa o sa iketla, molekane,
Pelo ya gago e kgarakgatshega jaaka phefo ya borwa.
opela pina ya matlhotlhapelo le mahutsana,
Pina e e tlhotlhang pelo ya lerato madi.
Matiho a gago ga ke a rate molekane,
A senoia pelo e e geletseng madi;
A senola maikutlo a a kgoberegileng,
A a tobekaneng jaaka metsi a mogobe,
Fa diphologolo di ja sememi mo go ona
Di itimola mogote wa letsatsi selemo.
Ke eng o balabala o le esi molekane,
O etsa motho a se esi tihaloganyong,
O etsa motho a kile a be a tshwaratshwara.
DITHOLE: Dumela molekane, Batihipile!
Nka itumela fa nka tthipisa baba,
Ka tthipisa dira ka diragatsa maikutlo,
Ao a kgoberilweng ke pono e mabono mantle.
O bua nnete molekane, nnete e e se nang mebala,
Fa o re ke tobekane maikutlo.
Pelo ya me e loigile,
E loilwe ka dipheko tsa setebele,
Ke mosetsana yo motshwana wa Letebele,
Ka mere o e epile kgakalakga.kala,
Ka yona a ntshira pelo ka foufala
Ke raya mere e mehibidu, molekane,
Mere ya lerato le le tukang
Le le galalelang jaaka legala la motswere.
BATŠHIPILE: Ga ke go utlwe sentle molekane,
Ga ke reye gore ditsebe di ile naafisa,
Tlhaloganyo ke yona e paleiwang
Go phunyeletsa mabaka a
Morongwa, ditsebe di a gorsang.
Tlhalosa molekane.
Kgotsa o raya gore o jele diphirimisi tsa lerato?
O ka re ke go utlwile o umaka bommampipi
Le dinonyane tsa bosigo marubisi a mantsho.
E bile o bua ka mere ya lerato
Mere e e ritibatsang pelo.
Bolela molekane.
DITHOLE: Molekane lerato le ntoile pelo,
Ke fenyegile mo maikutlong
Gore le fa lerato le ka ntlisetsa kotsi,
Ke tla e leba ka leitlho le lehibidu
Ke e leba jaaka tau tona
Fa e leba phologotswana bosigo.
BATŠHIPILE: Se ntikolose jaaka pholo ya tona molekane,
Se njese mmamadikwadikwane selo sa bana,
Boboko jwa me bo ja moretelediane
Bo delemela fa godimo ga puo ya gago,
Bo tlhoka maitsetsepelo a kutlwisiso
Go bona maikaelelo a gago.
DITHOLE: Molekane ke tla go bolelela ka tolamo,
Ke rata ngwana wa Letebele,
Mme pelo ya me e rotha madi.
Go leokoriba magareng a me le mosetsana,
Leo le agilweng ke mekgwa le ditso;
Leo melao ya lona e gagametseng
Melao e e sireletsang katamelano ya merafe,
Melao e e nyatsang merafe e mengwe.
Ke phoso molekane go nyatsa motho ye mongwe
jaaka lona bagaetsho to sa itsemeletse go dira.
Lo baba ba kgolagano le kutlwano.
Jaanong ka ntlha ya melao e, ke latlhegile.
Pelo ya me yona e tuka molelo wa lerato
Ke rata ngwana wa Letebele,
Mme jaanong melao e . . .
BATŠHIPILE: Ndhang o ka re o lebala jaaka Setswana se bua.
A ga se re Moserwa ke yo motonanyana
Wa mosadi ke ene Motswana?
Jab o se ke wa boifa molekane,
Diragatsa maikutlo a gago.
O mo senolele se o leng sona,
O mo senolele legala la pelo ya gago,
Le le tukang ka kgaialelo ya botshepegi,
Lerato la loso le botshelo.
ivfolekane, a mekgwa le ditso di tghipisiwe
Kana metlha e fetoga fela jaaka ditlha.
Se sa feleng se a bo se tlhola.
Mekgwa le ditso di tshwanetse go fela
Ga tsena tsa metlha ya gompieno boemong.
DITHOLE: Nka tghipisa mekgwa le ditso jang?
Go letsibogo le le boteng magareng a rona.
Le dhoka moratha wa lerato go le tshela,
Ka diphuka tsa lerato ka tIolela kwa moseja.
Letsibogo le, le a boitshega e bile le tseisa sedidi.
BATŠHIPILE: Ke a go utlwa molekane.
Fela itse gore pelo e ja serati.
Go builwe jalo ke mogologolo.
Batsadi ba tshwanetse go tlhaloganya senate,
Fa le wena o tihophile seratwa ke pelo ya gago,
O tlhophile thaka e tshwaana ya leitlho la gago.
Ga se bona ba yang go tshela le ene,
Ga se bona ba yang go tshwenyega ka ene,
Ke wena molekane.
Fa e le Letebele ke la gago
Le tlhophilwe ke pelo ya gago e le yosi.
DITHOLE: Molekane o a bua go a utiwagala;
Fela wena o bua jaaka motho wa sebweng,
Ka o itse gore se se gwang mo pelong
Motho wa sona ga a beye lerago. Batsadi ba me ke batho ba segologoio,
Ba dumela melao ya maloba le maabane.
Ba re ya gompieno ga se melao melaonyana,
E feta le phefo ya rnariga e foka,
E tshwana le mmoko e fofa le phefo.
Molekane, letsatsi ke lele le hibitse;
O ka re kweletla ya legala mo pelong ya me,
Pelo e e rothang madi a a tshololwang ke lerato.
Le wela ka leokoriba la bophirima ka bohutsana,
Lefifi la bohutsana le dhaga le suma ka mabetwaepelo,
Le apesa lefatshe la bohutsana ka kobo e ntsho,
Le hupetsa maikutlo a me, le ntshofatsa pelo ya me.
Ke tla dirang molekane?
BATŠHIPILE: Ititeye mafatlha molekane,
O a bulele ngwana wa Letebele;
Pelo ya gago a e bone jaaka e hibitse,
E tuka lerato la botshelo le nnete,
Le tuka ka kgalalelo e e boitshegang
Kgalalelo e e tla robang melao ya segologolo,
E e tla lomaganyang ditghaba tsa diteme disele.
DITHOLE: Le phirimile letsatsi molekane,
Le phirimile le pelo ya me;
Ga go nko e e tswang lemina,
Go eme tau-tona fa gare ga me le mosetsana,
E tlharaladitse meetse e batla go nkgagolaka,
E ila fa ke atamela mosetsana go bua mafoko.
BATŠHIPILE: Monna Dithole, se boife sepe,
Diragatsa maikutlo a gago,
Go sa nneng jalo a tla go tsisetsa kotsi.
Ga ke kgatlhwe ke rnokgwa wa gago malatsinyana a.
A re tsamaye.
A o ke o mpolelele,
O ne o dile go batla eng mo sekgweng se?
DITHOLE: Ke tlisitswe ke kgarakgatshego ya mowa fa.
Pelobotlhoko e ne ya nkgoga jaaka pelesa
E gogwa ka mogala nko e ise e fole,
Maikaelelo e ne e le gore ka gongwe
Ke ne nka bona Nombini a re kgabo I
Mme ka mo tsela bofofu go jesa matlho
Ka boga bontle jwa ngwana wa motswakwa.
[Ba gaufe le fa gabo Dithole, ba tshwanase go kgaogana]
BATŠHIPILE: Dithole monna, o ngwana wa monna,
Se dikadike jaaka mosadimogolo a tshwexwe ke mangele
le.
Sala o ikakanya molekane.
Ke go solofetsa thuso ya me ka pelo yotlhe,
Sala senile ke a tsaznaya.
DITHOLE: Tsamaya senile molekane,