AS JY en jou mense al om ’n Scrabblebord gesit het, sal jy weet: Daar’s min dinge waaroor ’n mens so kan redekawel soos oor of dié woord of daai afkorting toelaatbaar is. En as die letters eers Q, Z, J, X en K is. Die hemel behoed jou … En net so word die samesyn ’n slagveld.
Dit blyk selfs die vervaardigers van Scrabble dink daar’s plek vir ’n “minder kompeterende” weergawe, want om die spel se 75ste bestaansjaar te vier, het die verspreider Mattel ’n nuwe, dubbelkantige weergawe van die bord bekendgestel. Die oorspronklike Scrabble-bord is aan die een kant, en die nuwe speletjie, Scrabble Together, aan die ander kant.
Dis ontwerp om aanklank te vind by Gen Z-spelers en mense wat die klassieke Scrabble intimiderend vind, sê die skeppers. Dit bevat hulpkaarte, dit het ’n eenvoudiger puntestelsel, dis vinniger om te speel,
