In die vroeë 2000’s was dit ‘n redelike maklike proses om ‘n karavaan in Suid-Afrika te koop, aangesien die opsies maar skraps was. Keuses was beperk en indien jy na ‘n veldrywa op soek was, was daar net ‘n handjievol opsies om van te kies. Deesdae is die moontlikhede legio en daar is so te sê ‘n produk wat aan elke ou se smaak, voorkeure en behoeftes sal voldoen.
Die meeste vervaardigers fokus op karavane wat vir grondpaaie en landreise geskik is en ja, ek verwys na hulle as landreis-karavane aangesien ek twyfel of daar werklik enige behoorlike 4x4-karavane in Suid-Afrika beskikbaar is. Ons het oor die jare reeds baie karavane getoets en die meeste van hulle was goed geskik vir landreise, wat in elk geval is waarvoor die meerderheid van ons lesers hul karavane gebruik! Na my mening