WIE WOON HIER? Laureen en Koos Rossouw
WAAR Oranjezicht, Kaapstad
GROOTTE 280 m2
Laureen Rossouw, ’n voormalige tydskrifredakteur van Kaapstad, het hierdie huis vyf jaar gelede die eerste keer gesien. Sy en haar man, Koos, was op die punt om uit hul woonstel in die stadskom te trek toe Laureen ’n foto van “ ’n bouvallige huis met klassieke Bauhaus-lyne” in die koerant sien. “Ek het gedink dis wensdenkery,” sê sy. Nogtans het sy haar na Oranjezicht gehaas om self te gaan kyk.
Toe Laureen die karaktervolle gebou uit die middel van die vorige eeu sien,