WIE WOON HIER? ’n Kliniese sielkundige en ’n restaurateur, en hul twee honde
WAAR Athlone, Pietermaritzburg
GROOTTE 2 025 m2
GRONDTIPE Klei en skalie
Toe die eienaars tien jaar gelede hierdie eiendom raakloop met ’n huis wat in 1941 op ’n skuins erf gebou is, het hulle dadelik besef dat hulle iets spesiaals hier kan skep. “Ons het geweet ons sou die verskillende vlakke goed kan benut,” vertel hulle.
Die tuin was niks besonders nie, maar wat wel daar gegroei het, was goed versorg. “Hier was net gras, ’n paar plante en enkele bome.” Een van die redes daarvoor, sou hulle uitvind, was die swak grondgehalte – meestal klei, asook groot skalierotse wat uitgegrawe moes
