‘KIMCHI'
Maak 2 x 1 liter-flesse.
>> Jy benodig
WENK: Gebruik altyd'n skoon lepel wanneer jy kimchi uit die fles skep, anders gaan dit vinnig galsterig word.
>> Só maak jy
Sny die kool middeldeur en sny die harde dele in die middel uit. Draai elke halwe om en sny dit in linte en plaas dit in 'n groot mengbak. Sprinkel lekker baie sout oor en masseer dit vir 'n paar minute in die kool. Gooi genoeg water in die bak sodat die kool bedek is. Sit dan 'n bord bo-op neer met iets swaars ('n blikkie of flessie ingemaakte kos of 'n koffiebeker vol water) daarop. Laat die kool vir minstens 2 uur staan. Spoel dit drie keer af met koue water en laat dit goed dreineer. Vee die bak skoon en droog dit goed af. Meng nou die umamisous, sojasous, striker, gemmer en knoffel saam.
Voeg die gochugaru by en klop die mengsel tot dit 'n smeer vorm - voeg 'n bietjie water by tot dit die regte tekstuur het.
Sny die wortels en appels in dun skyfies - gooi dit ook in die bak. Sny die radyse (in die helfte, lengtegewys) en kap die sprietuie in ringetjies. Voeg dit saam met die radyse by die: wortels.
Druk die laaste bietjie nattigheid uit die kool - ek hou daarvan om dit tussen twee vadoeke te sit en dan droog te druk, of ek gebruik sommer 'n slaaidroër. Voeg dit by die bak met groente en gebruik jou hande
