Was daar maar nog manne soos oom Stokkies, het dinge dalk nie so skeefgeloop nie, het ek al gedink, noudat biltongjagters en wildboere vir mekaar sit en knor oor pryse.
Wie onthou nog die dae van die bankbestuurders?
Oom Stokkies het sy gelymde hare met ’n kantpaadjie gedra en jou met ’n-kyk gekyk, selfs al het hy nie sy bril opge-had nie. Hy was ’n keiser in eie reg. Of die bank vir jou geld sou leen of nie, was sý besluit. Hy het self die risiko geweeg en as hy geweier het,