KORTOM
■ Die uitspraak in die grondeisehof in die saak van Moladora Trust vs. Magalone Mereki en ander lig belangrike bepalings uit van die Wet op die Uitbreiding van Sekerheid van Verblyfreg (Wet 62 van 1997, die sogenoemde Esta-wet) waarvan boere en okkupeerders op plase deeglik bewus moet wees.
■ Min daarvan het egter “nuwe” regspraak tot gevolg, aangesien Suid-Afrika se hoogste howe reeds vroeër daaroor beslis het.
■ Hoe ’n grondeienaar dispute met okkupeerders hanteer, kan ’n groot invloed hê op litigasie wat as gevolg daarvan ontstaan.
Niemand wil ’n herhaling van die plofbare geskil oor grond en weiding by Normandien in 2020 hê nie. In ’n onverwante saak was die grondeienaars waarskynlik oorversigtig om nie dieselfde roete te volg nie, maar die tydsverloop het uiteindelik teen hulle getel.
Die kern van die Moladora-saak was of die reg van ’n okkupeerder om vee met die eienaar se toestemming op ’n plaas aan te hou, deel uitmaak van die okkupasieregte wat deur die Wet op die Uitbreiding van Sekerheid van Verblyfreg (Wet 62 van 1997, die sogenoemde Esta-wet) beskerm en gereguleer word.
In die